နိုင်ငံခြားဇာတ်လမ်းများအား ဗမာစာတန်းထိုး ဘာသာပြန်ခြင်း

ဝယ်ချင်တာတွေကများနေတယ်။ လက်ရှိမှာ အဝယ်ချင်ဆုံးက ဖုန်း။ Google Pixel 3 64GB လောက်ဆို မဆိုပါဘူး။
အမှန်ကတော့ အခုအချိန်မှာ လိုချင်တာပဲ ရှိတာပါ။ တကယ်လိုအပ်တဲ့ ပစ္စည်းကတော့ မရှိသေးပါဘူး။ ပုံမှန်စုဖြစ်တယ်။ စုတာကလည်း အခုမှ စပြီး ပြန်စုဖြစ်တာ ၆ လလောက်ပဲရှိအုံးမယ်။
အခု တစ်လောတော့ အတော် ပျင်းနေတယ်။ စိတ်ကူးတာများပြီး လက်တွေ့မှာ ဘာမှ အာရုံစိုက်ပြီး မလုပ်နိုင်သေးဘူး။ တစ်နေရာကို ရောက်ဖို့ တစ်ခုခုလုပ်ဖို့ ရည်မှန်းချက်တော့ထားတာပဲ။ ဒါပေမယ့် အဲ့နေရာကိုသွားဖို့အတွက် ခြေလှမ်း တစ်လှမ်း၊ လှေကားတစ်ထစ်တောင် မလှမ်း ဖြစ်သေးဘူး။ ကိုယ့်ကိုယ်ကို သိပြီး မပြင်နိုင်တာ အတော်ဆိုးတာပဲ။
App တွေဖုန်းထဲသွင်းထားပြီး တကယ်တမ်းကြ လိုက်မလုပ်ဖြစ်တာ အတော်ကြာပြီ ဥပမာ ၇မိနစ်စာ လေ့ကျင့်ခန်းလုပ်တာ။ နေ့တိုင်း ဘုရားရှိခိုး တရားထိုင်တာ။ စိတ်ထဲမှာတော့ ငါ ဒီနေ့လုပ်မယ်ဆိုပြီး တကယ်တမ်းကြတော့ ရုပ်ရှင်ကြည့်ဖြစ်တာ နဲ့ပဲ အချိန်ကုန်နေတယ်။ ကတိပေးထားပြီး မတည်သလိုပဲ။ အင်တာနက်ဖိုးကလည်း တော်တော် အကုန်များတယ်။ ဗီဒီယို ကြည့်တာနဲ့ အချိန်ကုန်ပြီးသွားရင်လည်း ငါကွာ မကြည့်ဘဲ တစ်ခြားဟာ လုပ်လိုက်ရင် ကောင်းသားဆိုတဲ့ နောင်တလည်း ရတယ်။
ဒါပေမယ့် ပိုက်ဆံနည်းနည်း ရှိတုန်းလေး ချွေတာစားပြီး Myanmar Net Mini WiFi စက်တော့ ဝယ်ဖြစ်အောင် ဝယ်မှ ရမယ်။ ဖုန်း အင်တာနက်နဲ့ဆို မခံနိုင်ဘူး။ နောက်ပြီး အခန်းထဲမှာလည်း သုံးချင်သေးတယ်။ မဟေသီလေး လာတော့ နှစ်ယောက်သုံးရမှာလည်း ရှိသေးတယ်လေ။ အခု ဒီအတိုင်း ငွေဖြည့်ကဒ်နဲ့သုံးနေတာက တစ်ခါချိတ်ရင် စက်တလုံးပဲ သုံးနေတာ ဆိုတော့ အဆင်မပြေဘူး။ အိမ်ရှေ့ကို ထွက်ထွက် ပြီး သုံးမှ လိုင်းမိတယ်။ "မြန်မာနက် အဝသုံး" ဆိုတဲ့ အတိုင်း အိမ်အဝမှာသုံးမှ လိုင်းမိတယ်။