dotted circle က မြန်မာယူနီကုဒ်အတွက် အရေးပါတဲ့ အရာမိုလို့သုံးလိုက်တာ ယူနီကုဒ်ကိုယ်စားအနေနဲ့လည်းပါတယ်။ နောက်ပြီး ဧရိယာကိုလည်း ကိုယ်စားပြုတယ်။(မြေပုံမှာပြရင် တိုင်းတာမှုက ဧရိယာအကျယ်ဘယ်လောက်ရှိတယ်ဆိုတာ အဝိုင်းပုံလေးတွေနဲ့ပြတယ်လေ) ကကြီးကတော့ မြန်မာစာလုံးပေါ့ (ရေးနေရင်းနဲ့တောင် စက်ဝိုင်းပုံစံလုပ်မလားစဉ်းစားမိသေးတယ်။ မြန်မာစာလုံးတွေက ဝလုံးကို အခြေခံပြီး ဆွဲတာကို) mua ရဲ့ စာလုံးကို ပုံပေါ်အောင် လိုင်းတွေနဲ့ ချိတ်ဆက်လိုက်တယ် ( အဲ့ဒိလိုင်းဆွဲတာတော့ သေသေချာချာ ပြန်ဆွဲရအုံးမယ်) မြန်မာနိုင်ငံကမိုလို့ ဝါ စိမ်း နီ ကို ဖြည့်ထားတယ်။ အပြာရောင်ကတော့ ဝါစိမ်းနီနဲ့လိုက်ဖက်လို့ရယ် မိုးကောင်းကင်နဲ့ တစ်ခြားသော ကောင်းတဲ့အချက်တွေကို ရည်ညွှန်းပြီးဆွဲလိုက်တယ်။ အခု logo ကတော့ logo တစ်ခု ရှိသင့်ရှိထိုက်တဲ့ အချက်လေးတွေ တော်တော်များများ ထည့်ဆွဲထားပါတယ်။ ဥပမာ Golden Ratio နဲ့ကိုက်ပြီးတော့ဆွဲတယ်။ Black and White သုံးမယ်ဆိုလည်း အဆင်ပြေအောင်ရယ် ဖော်ပြချင်တဲ့အရာကို ပေါ်လွင်အောင်ရယ် ထည့်ဆွဲထားတာတွေပေါ့ဗျာ
ဒါကတော့ Letter Head တို့ ပုံနှိပ်ထုတ်ဝေရင်သုံးမယ့် ပုံစံငယ်ပေါ့။ ဒီဇိုင်းထွက်လာဖို့ကို ရှေ့မှာ ပုံစံတွေအများကြီး ဆွဲခဲ့ရပါတယ်။ အချိန်တွေလည်း အများကြီးပေးခဲ့ရတယ်။ ဘာပုံမှ ထွက်မလာဘဲနဲ့လဲ တစ်နေကုန်ခဲ့တဲ့ ရက်လည်း ရှိခဲ့တယ်။ ဒီပုံလေးက နှစ်ပေါင်းများစွာ ခိုင်မာပါစေ။ ဒါတော် ဆွဲရတာ ရှုပ်နေသေးတယ်။ တစ်ချို့ဆို သစ်တောက်ငှက်လေးကိုများဆွဲသွားလိုက်တာ ရိုးရိုးရှင်းရှင်းလေး။ တစ်နေ့တော့ အဲ့လိုဆွဲတတ်လာနိုင်မှာပါ။
Credit to : Puffin logo
Comments
Post a Comment