၂၀၁၄-၀၁-၂၉ ညနေ ၃း၃၉

ကဲ ...

ဒီနေ့တော့ PHP Project အသစ် Assign ချခံရတယ်ဗျို့။ အင်... C # ဘက်ကတော့ ဘာ Fixes တွေထပ်ထွက်လာအုံးမလဲတော့ မသိဘူး။ ဒါတောင် ပြင်ဖို့ တစ်ခုကျန်သွားလို့။ ဪ ကျွန်တော် အခု ဒီ Post ကိုရေးနေတဲ့အချိန်နဲ့ Blog ကို Create လုပ်တဲ့ အချိန်နဲ့ကြားထဲမှာ တော်တော်လေး ဘာမှမတင်ဘဲ ထားထားတာ ၂ နှစ်လောက်တောင်ကြာသွား။ ကြာဆို စင်္ကာပူကနေ မြန်မာပြည်ကို ပြန်လာခဲ့တာကို...။ ရန်ကုန်ကို ပြန်ရောက်တော့ သိတဲ့ အတိုင်း Connection က မကောင်း၊ Internet ဆိုင်ကလည်း သိပ်မထိုင်ဖြစ်နဲ့... ရေးတဲ့ဘက်ဆီကို အချိန်မရောက်တော့ဘူးပေါ့ဗျာ..။ အဲ့ဒါနဲ့ပဲ ဟိုအလုပ်လျှောက် ဒီအလုပ်လျှောက်ရင်း ကံကောင်းစွာနဲ့ KMD မှာ Programmer အနေနဲ့ အလုပ်ရခဲ့တယ်ပေါ့ဗျာ..။ Interview မှာ HDSE သင်တန်းတုန်းက ဆရာမနဲ့တွေ့ပြီး SoftComm Technology ကိုရောက်သွားတာပေါ့..။ အဲ့ဒိမှာကစလို့ Programmer ရဲ့ ဘဝကိုစခဲ့တယ်လိုပဲ ဆိုပါစို့။ အဲ့ဒိက ရတဲ့ ပညာနဲ့ အခုအထိ အလုပ်လုပ်နေတယ်ပေါ့ဗျာ...။ ၂ နှစ်လောက် KMD မှာ လုပ်ပြီးသွားတော့ ၂၀၁၂ ၁၂ လပိုင်းလောက်မှာ အချိန်တွေနောက်ကျကုန်မှာစိုးပြီး မနေနိုင်တော့လို့ မိဘကို အတင်းပူဆာပြီး အိမ်ထောင်လေးပြုခဲ့ပြန်တယ်...။ အဲ အိမ်ထောင်မပြုခင် ၃ လလောက် အလိုမှာ KMD ကနေ မရမက အတင်းထွက်ခဲ့တယ်ဗျို့။ ဒါတောင် စိတ်ပါပါ မပါပါ ဆက်လုပ်မယ်ဆိုရင်တောင် ဆက်လုပ်ရမယ့် သဘောမှာရှိတယ်..။ Project Manager ဒေါ်အေးဝါဝါထွန်းကလည်း တယ်လည်း ဆွဲထားတာကိုဗျ...။ အဲနောက်တော့ ၆လလောက် အစ်ကိုဝမ်းကွဲနဲ့ ကားပြုပြင်တဲ့ ဆီမှာ တွဲလုပ်လိုက်သေးတယ်။ နေရာကတော့ ဦးလေး ကားဝပ်ရှော့မှာပေါ့...။ ဦးလေး အမည်က ဦးရဲထွဋ် ကားဝပ်ရှော့က ဆရာချစ်နှင့်တပည့်များ. နေရာက လင့်လမ်း အဲ့ဒိကနေ နေရာ အသစ်ပြောင်းဖို့လိုက်စုံစမ်းရင်းနဲ့ကိုပဲ အကြောင်းကြောင်းကြောင့် အလုပ်အသစ်ကို ရှာခဲ့ရတော့တယ်။ အကြောင်းအရာတစ်ခုချင်းစီကိုရေးဖို့ကတော့ နောက်များ အသက်ကြီးလို့ အချိန်ရရလို့ မှတ်မိနေသေးရင် ရေးမယ်လို့တော့ စိတ်ကူးထားတယ်။ အခုတော့ ၂၀၁၄ ရှေ့လျှောက်ဖြစ်မယ့်ဟာလေးတွေကို ရေးမယ်လို့တော့ စိတ်ကူးထားတယ်..။ ရေးမယ်ဆိုရင်တော့ ရေးမဆုံးပေါင်ပေါ့ဗျာ...။ အခုအလုပ်ကတော့ Balanced Consultancy Co,.Ltd ဆိုတဲ့ ကုမ္ပဏီမှာပါ။ သူက Singapore based Company တစ်ခုဖြစ်ပြီး Web application တွေရေးတာများတယ်...။ PHP နဲ့ပေါ့..။ IDE ကတော့ PphStorm ကိုသုံးတယ်။ PhpStorm က မဆိုးဘူး သုံးလို့ တော်တော် အဆင်ပြေတယ်။ Free Version မဟုတ်ဘူး...။ Creck Version ပဲ...။ ကဲ ဒီ Post ကို ဒီမှာပဲ အဆုံးသတ်ပြီး နောက်ထပ် Post အသစ် တစ်ခုကို ပြောင်းလိုက်တော့မယ်ဗျို့။ တော်တော်လေးတော့ ပြောဖို့ကောင်းပါတယ်...။